चर्चित गायक रामकृष्ण ढकाल र उनकी श्रीमतीबीच सम्बन्धविच्छेद भएकोछ । बुधबार जिल्ला अदालत काठमाडौंमा गायक ढकाल र श्रीमती निलम शाह ढकालबीच सम्बन्धविच्छेद भएको हो ।
निलम शाहले मंगलबारमात्रै जिल्ला अदालतमा सम्बन्ध विच्छेदका लागि मुद्धा दर्ता गरेकी थिइन् । शाहले ढकालबाट कुनै पनि अंश वा सेवा सुविधा नलिने भएकी छिन् ।
ढकाल र शाहबीच प्रेम विवाह भएको थियो । ढकाल दम्पत्तिको एउटी छोरी छन्, उनी अब आमासँग रहने भएकी छन् ।
