आमा पुनः फिल्म निर्माण हुने भएको छ । मंगलबार राजधानीमा आयोजित प्रेसमिटमा डीएस डिजिटल ब्यानरले फिल्म आमा निर्माण गर्ने जनाइयो ।
‘ दीपेन्द्र के खनालले फिल्म निर्देशन गर्ने भएका छन् । सूर्यमाला खनालले आमाको भूमिकामा अभिनय गर्नेछिन् भने सुरक्षा पन्त छोरीको रुपमा ।
मनिष निरौला, देशभक्त खनाल, सरिता गिरी, अशान्त शर्मा, ज्याक श्रेष्ठ, पदम बुढालाई अन्य कास्टको रुपमा चिनाइयो । फिल्म छायांकन, निर्देशक र पटकथा लेखक स्वयम खनाल हुन् ।
फिल्मले फागुन ९ गतेलाई रिलिज मितिको रुपमा तय गरेको छ । असार दोस्रो सातादेखि छायांकनमा जाने फिल्मलाई काठमाण्डू र रामेछापमा सुट गरिने भएको छ ।
गीतकारको रुपमा भूपेन्द्र खड्का अनुबन्धित भएका छन् । ५५ वर्षअघि हीरासिंह खत्रीले फिल्म आमा निर्देशन गरेका थिए ।
