घुमौं रुविभ्याली बोलको गितको म्युजिक भिडियो सार्वजनिक भएको छ । सोमबार ठमेल स्थित छांया सेन्टरमा एक कार्यक्रमको आयोजना गरी गितको भिडियो सार्वजनिक गरीएको हो । धादीङको रुविभ्याली ट्रेकिङ्ग रुटको प्रबद्र्धन गर्ने उद्देश्यले निर्माण गरिएको म्यूजिक भिडियोमा सुधिर श्रेष्ठ र सगुन थापाले अभिनय गरेका छन् । रुविभ्यालीकै चिनारी हुने गरी पर्यटन ब्यवसायी रामप्रसाद सापकोटाले रचना गरेको गितमा बसन्त सापकोटा र समिक्षा अधिकारीको स्वर रहेको छ भने संगित बसन्त सापकोटाकै रहेको छ ।
भिडियोमा रुबीभ्यालीका दृश्यहरु देख्न सकिन्छ । पर्वतीय क्षेत्रको सेवामा संस्थागत रुपमा सहयोग गर्ने उद्देश्यले स्थापित हिमालयन कम्युनिटी प्रोजेक्ट ट्रस्ट०ले निर्माण गरेको भिडियोलाई विवेक सापकोटाले निर्देशन गरेका हुन । ट्रस्टका अध्यक्ष रामप्रसाद सापकोटाले ट्रस्टको औपचारिक घोषणासंगै संस्थागत रुपमा समाजिक रुपान्तरणका लागि सहयोग गर्ने प्रतिबद्धता ब्यक्त गरे ।
अध्यक्ष सापकोटाले हिमालयन कम्युनिटी प्रोजेक्ट ट्रस्टमा आफ्नो बार्षिक आम्दानीको केहि प्रतिशत काटेर आर्थिक सहयोग गर्ने बताए । अध्यक्ष सापकोटाको रचना, परिकल्पना र निर्माणमा बनेको म्यूजिक भिडियोमा रुविभ्यालीको सुन्दर दृश्य कैद गरीएको छ । धादिङ्ग स्थाई घर भएका सापकोटा पर्यटन व्यवसायी हुन् ।
म्यूजिक भिडियो लन्चमा अतिथि बनेर पुगेका संचारकर्मी तथा साहित्यकार डा नवराज लम्सालले गीतले सिंगो रुविभ्यालीको चित्रण गरेको बताए ,लम्सालले वास्तविक धादिङ्ग त छायाँमा परेको रहेछ भन्दै धादिङ्गको विशेषतालाई प्रचार–प्रसार गर्न सबैलाई आग्रह गरे । कार्यक्रममा पर्यटन ब्यवसायीहरुको बाक्लो सहभागिता थियो ।
