लाङटाङ ट्रेल रन २०२५ पुरुषतर्फ सोलुखुम्बुका मिलन कुलुङ र महिलातर्फ सुनसरी रोकायले प्रथम स्थान हासिल गरे। प्रथम हुने मिलन राईले ३२ किलोमिटरको दुरी २ घन्टा २६ मिनेटमा पार गरेका थिए भने महिलातर्फ सुनसरी रोकायाले २ घन्टा ५५ मिनेटमा पार गरी प्रथम स्थान हासील गरीन ।
दुवैलाई जनही १ लाख नगद पुरस्कार तथा मेडल र प्रमाणपत्र प्रदान गरिएको छ। लाङटाङ टे«ल रन २०२५ मा बिदेशी सहित १८ बर्ष देखि ५८ बर्ष सम्म उमेर समुहका १ सय १ जनाले नाम दर्ता गराएका थिए भने ६८ जनाले सहभागिता जनाएको जस मध्ये १२ जना महिलाहरुले प्रतियोगितामा सहभागि भएको संयोजक गगनराज न्यौपानेले जानकारी दिए ।
रसुवा नुवाकोट पर्यटन समाज र बाग्मती प्रदेश सरकारले नेपालको तेस्रो पर्यटकीय गन्तव्य लाङटाङमा पर्यटन प्रवर्द्धन गर्ने उद्देश्यले प्रथम लाङटाङ ट्रेल रन २०२५ जेठ २४ गते शनिबार अर्थात जुन ७ मा आयोजना गरेको थियो ।
ट्रेल रनमा द्वितीय हुने पुरुष तर्फ पाँचथरका विशाल राई र महिलातर्फ लाक्पा निमा शोर्पालाई नगद ७० हजार पुरस्कार तथा मेडल र प्रमाण पत्र प्रदान गरियो। तृतीय हुने किरण बोगटी र महिला तर्फका निर्मला राई लाई जनही नगद ५० हजार र सान्त्वना आङफुर्पा शेर्पा, गोपाल तामाङ, किर्पन कुलुङ राई, प्रिया राईलाई पनि नगद पुरस्कार तथा मेडल र प्रमाणपत्र प्रदान गरिएको थियो।
लाङटाङ पर्यटन प्रबद्र्धन र स्पोर्टस टुरीज्मको प्रमोशनको लागि रसुवा नुवाकोट पर्यटन समाज र बाग्मती प्रदेश पर्यटन मन्त्रालयको सहकार्यमा गरीएको पहिलो लाङटाङ टे«ल रेन २०२५ सफल भएको रसुवा नुवाकोट पर्यटन समाजमा अध्यक्ष बलाराम न्यौपानेले बताए ।
उक्त खेलको उद्घाटन बाग्मती प्रदेश पर्यटन मन्त्री बिमल ठकुरीले क्यान्जीङ गोम्पा पुगेर गरेका थिए ।
बिजेताहरूपुरुषतर्फ
प्रथम – सोलूखुम्बूका मिलन कुलुङ राई -लागेको समय २ घण्टा २६ मिनेट
दोश्रो -पाँचथरका विशाल राई – लागेको समय२ घण्टा २७ मिनेट
तेस्रो-सोलूखुम्बूका अर्जुन राइ कुलुङ्ग -लागेको समय २ घण्टा २८ मिनेट
चौथो -काठमांडूका किरण सिंह बोगटी – लागेको समय २ घण्टा २९ मिनेट
पाँचौ- काठमांडूका गोपाल तामांग -लागेको समय २ घण्टा ३१ मिनेट
महिलातर्फ
प्रथम -डोल्पाकी सुनसरी रोकाया -लागेको समय २ घण्टा ५५ मिनेट
दोश्रो -ओखलढूँगाकी लाक्पा निमा शेर्पा -लागेको समय ३ घण्टा ५ मिनेट
तेस्रो-खोटांगकी निर्मला राई लागेको समय -३ घण्टा १५ मिनेट
चौथो – सोलूखुम्बूकी आंग फुर्बा शेर्पा -लागेको समय ३ घण्टा ३८ मिनेट
पाँचौ -खोटांगकी प्रिया राई -लागेको समय ३ घण्टा ४३ मिनेट
