नेपाली बजारमा साताको पहिलो दिन आइतबार ५ हजार ६ सय रुपैयाँले सुनको मूल्यमा वृद्धि भएको छ ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ३ लाख २० हजार ५ सय रुपैयाँ पुगेको छ। यसअघि शुक्रबार प्रतितोला ३ लाख १४ हजार ९ सय रुपैयाँमा प्रतितोला सुन कारोबार भएको थियो।
त्यस्तै, आज चाँदी प्रतितोला ५ हजार ९ सय ८५ रुपैयाँमा कारोबार भइरहेको छ। आज चाँदी प्रतितोला २ सय ४५ रुपैयाँले वृद्धि भएको हो । इरानमाथि भएको आक्रमणको भोलिपल्ट बहुमूल्य धातुको मूल्य उकालो लागेको व्यवसायीहरूको भनाइ छ।
शनिबार इजरायल र अमेरिकाले शनिबार इरानमाथि आक्रमण गरेका थिए । लगत्तै इरानले पनि मध्यपूर्वमा रहेका विभिन्न अमेरिकी वेशहरुमा जवाफी आक्रमण गरेको छ ।
