चलचित्र निर्मातासंघका अध्यक्ष तथा किर्तिपुर सिनेप्लेक्सका संचालक नरेन्द्र महर्जनले बिगत तिस बर्ष देखि सिनेमा हलमा ड्युटी गरेर दशैं मनाइरहेका छन् । उनि भन्छन
जब म सिनेमा लाइनमा लागे झन्डै तिस बर्षजति भयो त्यतिबेला देखिनै मेरो दशैं सिनेमा हलमा बित्ने गर्छ । दशैंमा धेरै फिल्म रिलिज हुने गर्छन पछिल्लो समय त झन् दशैंलाई लसक्षत गरी निर्माताहरुले फिल्म लगाउछन् र दर्शकहरु पनि बिदाको समय पारेर सिनेमा हलमा फिल्म हेर्न आउछन् त्यहि बेला स्टाफहरु दशैं बिदामा हुन्छन त्यसैले म आफै हलमा ड्युटीमा हुन्छु । बरु अघिपछि समय मिलाएर साथीभाइसंग घुम्न जाने गर्छु तर दशैंमा भने हताहतार परिवारसंग टिका लगाएर हलमानै आउछु । अरुले रमाइलो गरेको देखेर रमाउनु गर्छु दशैंमा ।
