असोज २४ गते फूलपातीदेखि प्रदर्शनमा आउन लागेको फिल्म ‘छक्का पञ्जा ५’को ‘ब्रेकअप’ बोलको दोस्रो गीत बुधबार सार्वजनिक गरिएको छ । गीतमा बाबुल गिरीको गायन, संगीत र शब्द रचना छ । निर्देशक तथा कलाकार दिपारुी निरौला आफलेै स्वर भरेको तलाई संसारकै कोइ केटीले मनै नपराओस मलाई अनेकथरी भन्ने मुखमा किरै परी जाओस लाइन चर्चामा छ समाजिक संञ्जाल टिकटक रिलमा धेरैले भीडीयो बनाइरहेका छन् । त्यसो त पुरै गितको चर्चा उत्तिकै छ ।
फिल्मका कलाकारहरू दीपकराज गिरी, केदार घिमिरे, दीपाश्री निरौला, वर्षा सिवाकोटी, मेक्सम गौडेल, सुरवीर पण्डित लगायतलाई प्रस्तुत गरिएको गीतमा ब्रेकअपपछि प्रेमीले प्रेमिकाप्रति पोखेको आक्रोशलाई कमेडी शैलीमा देखाइएको छ ।

दीपाश्री निरौलाको निर्देशनमा तयार भएको फिल्ममा आर्यन सिग्देल, निर्मल शर्मा, तेज गिरी आदिको पनि अभिनय रहेको छ । हरि हुमागाइँको डिओपी तथा उत्तम हुमागाइँको छायांकन रहेको फिल्ममा दीपकराज स्वयंको पटकथा लेखन छ भने कथा र संवादमा उनलाई केदार घिमिरे र दीलिप तामाङले सघाएका छन् । फिल्ममा रोशन श्रेष्ठको द्वन्द्व निर्देशन तथा विपिन मल्लको सम्पादन छ । ‘छक्का पञ्जा’को अघिल्ला चार सिरिज ब्लकबस्टर भएका थिए ।