दशैँको अवसरमा रिलिज भएको फिल्म ‘२ नम्बरी’ले पहिलो शुक्रबार र शनिबार उत्साहपूर्ण व्यापार गरेको निर्माण टिमले बताएको छ । फिल्मले देशैभर राम्रो व्यापार गरेको बताइएको छ । निर्माता तथा प्रस्तुतकर्ता किरण नेपालीले कम्जोर प्रचारप्रसारका बाबजुत पनि यति धेरै दर्शकहरुको साथ पाएकोमा खुशी ब्यक्त गरे , उनले थपे रिलिज अगाडि कलाकारहरुले साथ दिएको भए फिल्मले बम्पर हान्ने रैछ ।
दीपेन्द्र लामा निर्देशित २ नम्बरीमा एक दशकदेखीको सुपरहिट जोडी दयाहाङ राई र सौगात मल्लको मुख्य भूमिका रहेको छ ।
फिल्मलाई काठमाडौं र मोफसलका अधिकांश मल्टीप्लेक्सहरुले उल्लेख्य शो प्रदान गरेका छन् । बन्यजन्तु संरक्षणको बिषयलाई फिल्ममा समाबेश गरीएको छ । फिल्म २ नम्बरीमा दर्शक प्रतितिक्रिया भने मिश्रीत छ ।
दया र सौगातसँगै उपासना सिंह ठकुरी, उगेन छोदेन, बुद्धि तामाङ, पुस्कर गुरुङ, शारदा गिरी, कविता आले, प्रकाश घिमिरे, सुष्मा निरौला, विश्वास गुरुङ, जयनन्द लामालगायतको पनि फिल्ममा अभिनय छ । किरण नेपाली प्रस्तुतकर्ता रहेको फिल्ममा दीपक मनाङ्गे, अमलादेवी राई र जयस श्रेष्ठको लगानी छ । सरोज नेपाली कार्यकारी निर्माता रहेको फिल्मको सह–निर्मातामा मिठु तामाङ्नी रहेकी छिन् ।
